Фавқулодда вазиятлар вазири ўринбосари бошчилигида зарарли чигирткаларга қарши олиб борилаётган тадбирларни ўрганиш ишларининг навбатдаги манзили Хоразм вилояти бўлди
2026-06-16 17:45:00 / Янгиликлар
Аввал хабар берганимиздек, вазир ўринбосари раҳбарлигида, Ўсимликлар карантини ва ҳимояси агентлиги ҳамда бошқа дахлдор ташкилотлар ҳамкорлигида зарарли чигирткалар тарқалган ҳудудларда олиб борилаётган тадбирлар ўрганилмоқда. Хусусан, бугун Хоразм вилоятида зарарли чигирткалар тарқалган ва тарқалиш эҳтимоли юқори бўлган ҳудудларда махсус техника ва воситалар ёрдамида олиб борилаётган кимёвий ишлов бериш жараёнлари кўздан кечирилди.
Шунингдек, қўшни давлатлар билан чегарадош чўл ва яйлов ҳудудларида зарарли чигирткаларнинг кириб келишининг олдини олиш мақсадида кучайтирилган назорат постлари фаолияти йўлга қўйилди.
Вазир ўринбосари томонидан дала шароитида олиб борилаётган ишларнинг самарадорлиги, хавфсизлик қоидаларига риоя этилиши ҳамда мавжуд куч ва воситалардан оқилона фойдаланиш масалаларига алоҳида эътибор қаратилди.
Ҳудудларда зарарли чигирткаларга қарши курашиш ишлари барча масъул ташкилотлар ҳамкорлигида қатъий назорат остида давом эттирилмоқда.