Электрон хизматларни такомиллаштириш ва бюрократик тўсиқларни қисқартириш масалалари муҳокама қилинди
2026-06-16 10:25:00 / Янгиликлар
Кеча, 15 июнь куни Фавқулодда вазиятлар вазирлигида “Бюрократияни бартараф этиш – 2030” дастури доирасида ишчи учрашув ўтказилди. Унда Ўзбекистон Республикаси Президенти ҳузуридаги Стратегик ривожланиш ва ислоҳотлар агентлиги лойиҳа оффиси масъул ходимлари ҳамда вазирлик вакиллари иштирок этиб, давлат хизматларини соддалаштириш ва бюрократик тўсиқларни қисқартириш масалаларини муҳокама қилдилар.
Учрашувда вазирлик тизимида кўрсатилаётган давлат хизматларини соддалаштириш, ортиқча бюрократик жараёнларни қисқартириш ва рақамли хизматлар улушини ошириш масалалари кўриб чиқилди.
Шунингдек, вазирлик фаолиятида фуқароларнинг мурожаатларини кўриб чиқиш, рухсат бериш ва хабардор қилиш тартибларини соддалаштириш, хизматлардан фойдаланиш қулайлигини ошириш ҳамда аҳоли учун вақт ва маблағ сарфини камайтиришга қаратилган таклифлар кўриб чиқилди.
Бундан ташқари, амалга оширилаётган ислоҳотлар мазмун-моҳиятини кенг жамоатчиликка етказиш, очиқлик ва шаффофликни таъминлаш ҳамда аҳолини ислоҳотлар жараёнига фаол жалб этиш бўйича коммуникация ишлари юзасидан ҳам таклифлар муҳокама қилинди.