Фавқулодда вазиятлар ва Ички ишлар органлари ҳамкорлигида сувда чўкиш билан боғлиқ ҳодисаларнинг олдини олиш масалалари муҳокама қилинди
2026-06-11 12:40:00 / Янгиликлар
Ўтказилган видеоселектор йиғилишида чўмилиш мавсумида сув объектларидаги вазият, содир бўлган ҳодисалар ҳамда уларнинг сабаблари таҳлил қилинди. Шунингдек, “Сув ҳавзаларида хавфсизлик ойлиги” доирасида амалга оширилаётган профилактик тадбирлар муҳокама қилиниб, аҳоли ўртасида тушунтириш ишларини кучайтириш, рухсат этилмаган жойларда чўмилишнинг олдини олиш ва хавфли сув объектларини назоратга олиш бўйича вазифалар белгиланди.
Йиғилиш якунида профилактик рейдларни кенгайтириш, тарғибот ишларини фаоллаштириш ҳамда аҳоли хавфсизлигини таъминлаш бўйича чора-тадбирлар ижросини кучайтириш юзасидан топшириқлар берилди.
ФВВ фуқароларни сув ҳавзаларида хавфсизлик қоидаларига риоя қилишга, рухсат этилмаган жойларда чўмилмасликка ҳамда вояга етмаганларни назоратсиз қолдирмасликка чақиради.