“Бухоро” болалар дам олиш оромгоҳида болажонларга зилзила вақтида тўғри ҳаракат қилиш тартиби ўргатилди
2026-06-08 18:10:00 / Янгиликлар
Бухоро вилояти ФВБ томонидан оромгоҳ ходимлари ва болажонларга фавқулодда вазият юзага келганда бино ичида ва ташқарида ўзини тутиш қоидалари, хавфсиз жойларга тезкор эвакуация қилиш тартиблари ҳамда ваҳимага берилмасдан тўғри қарор қабул қилиш бўйича тушунтиришлар берилди.
Шунингдек, шартли зилзила ҳолати бўйича амалий машғулот ўтказилиб, болажонларга зилзила пайтида тўғри ҳаракат қилиш, хавфсиз жойга тезкор чиқиш ва эвакуация тартибларига риоя этиш кўникмалари ўргатилди. Эвакуация жараёнида улар амалда иштирок этиб, тўғри ҳаракат қилиш бўйича билимлари мустаҳкамланди.
Бундай ўқув ва тарғибот тадбирлари ёзги мавсум давомида болалар дам олиш оромгоҳларида мунтазам равишда давом эттирилади.