Фавқулодда вазиятлар вазири ўринбосари Сирдарё вилоятида аҳолини ва ҳудудларни фавқулодда вазиятлардан муҳофаза қилиш бўйча амалга оширилган ишларни ўрганди
2026-06-06 10:35:00 / Янгиликлар
Шунингдек, "Ховос дон маҳсулотлари" АЖга борилиб, дон қабул қилиш корхонасида ёнғин хавфсизлиги қоидаларига риоя этилиши, бирламчи ёнғин ўчириш воситаларининг шай ҳолати ҳамда яратилган шароитлар ўрганилди.
Шундан сўнг, фермер хўжаликларининг ғалла ўрим-йиғим майдонларида механизаторлар ва масъул ходимлар билан ёнғинларнинг олдини олиш, фавқулодда вазиятлар юзага келганда тезкор ҳаракат қилиш бўйича тушунтириш ишлари олиб борилиб, амалий тавсиялар ҳамда масъулларга тегишли кўрсатмалар берилди.
Жараёнда, Ховос туманидаги мембрана қопламали сув ҳавзаларида хавфсизликни таъминлаш бўйича амалга оширилган чора-тадбирлар билан танишилиб, мазкур сув ҳавзаларида фуқаролар, айниқса болалар ва ўсмирларнинг хавфсизлигини таъминлашга қаратилган профилактик тадбирларнинг ҳолати кўздан кечирилди. Хусусан, сув ҳавзалари атрофида ўрнатилган огоҳлантирувчи белгилар, ҳимоя тўсиқлари, нажот арқонлари ҳамда хавфсизлик талабларига риоя этилиши юзасидан назорат амалга оширилди.
Ўрганиш якунида масъулларга тегишли топшириқлар берилди.