Қорақалпоғистон Республикаси Фавқулодда вазиятлар бошқармасида тизим ҳарбий хизматчилари ва уларнинг оила аъзолари ҳамда хизматчлар учун бепул чуқурлаштирилган тиббий кўрик ва маънавий-маърифий тадбирлар ташкил этилди.
2026-06-06 10:00:00 / Янгиликлар
Шунингдек, ҳарбий хизматчилар ва уларнинг оила аъзолари иштирокида маънавий-маърифий ҳамда маданий ҳордиқ тадбирлари юқори савияда ўтказилиб, унда иштирокчиларнинг бўш вақтини мазмунли ташкил этиш, ижодий салоҳиятини ривожлантириш ва оилавий қадриятларни мустаҳкамлашга алоҳида эътибор қаратилди.
Тадбир доирасида ёш истеъдодларни қўллаб-қувватлаш, уларнинг тасвирий санъатга бўлган қизиқишини ошириш ҳамда ижодий қобилиятларини намоён этиш мақсадида «Ёш рассомлар» танлови ўтказилди.
Шу билан бирга, шахмат ва шашка мусобақалари ташкил этилиб, иштирокчилар ўзларининг ақл-заковати, мантиқий фикрлаши, стратегик ёндашуви ва рақобатбардошлигини намоён этдилар. Муросасиз ва қизиқарли баҳсларга бой тарзда кечган мусобақалар иштирокчиларга кўтаринки кайфият улашиб, ўзаро дўстлик, ҳамжиҳатлик ва аҳиллик муҳитини янада мустаҳкамлашга хизмат қилди.