Мурожаатлар – эътибор марказида: Ғузор туманида оммавий сайёр қабул ўтказилди.
2026-06-05 15:00:00 / Янгиликлар
Бош прокурор ўринбосари – Ўзбекистон Республикаси Ҳарбий прокурори Қ.Исроилов томонидан Қуролли Кучлар вазирлик ва идоралари раҳбарияти билан ҳамкорликда олис ҳудуд – Қашқадарё вилоятининг Ғузор туманида сайёр қабул ўтказилди.
Ҳарбий хизматчилар ва оила аъзолари, пенционерлар ва ёшлар қатнашган ушбу тадбирда дастлаб очиқ мулоқот ўтказилиб, уларга яратилган имконият ва имтиёзлар ҳақида атрофлича маълумотлар берилди.
Сўнгра ҳар бир мурожаат тингланиб, кўтарилган масалаларни шу жойнинг ўзида ҳал этиш чоралари кўрилди.
Айни жараёнда меҳнат ярмаркаси ташкил этилиб, ҳарбийларнинг оила аъзолари ва муддатли ҳарбий хизматни ўтаб қайтган ёшлар учун ўз мутахассислигига мос бўш иш ўринларини танлашга қулай имконият яратилди.
Китоблар кўргазмаси эса иштирокчиларнинг маънавий дунёсини янада бойитиш йўлида хизмат қилди.