“Ёш қутқарувчи” мусобақасининг республика босқичи иштирокчилари Самарқанд шаҳрида тантанали кутиб олинди
2026-06-01 13:40:00 / Янгиликлар
Жорий йилнинг 1-3 июнь кунлари Самарқанд шаҳрида “Ёш қутқарувчи” мусобақасининг республика босқичи бўлиб ўтади. Унда мамлакатимизнинг турли ҳудудларидан ташриф буюрган жамоалар ўзаро беллашиб, фавқулодда вазиятларда тўғри ҳаракат қилиш, биринчи ёрдам кўрсатиш, қутқарув ишлари ҳамда жисмоний тайёргарлик бўйича ўз маҳоратларини намойиш этадилар.
Бугун, мусобақа иштирокчилари Самарқанд темир йўл вокзалида оркестр садолари остида тантанали равишда кутиб олинди.