Сирдарё, Хоразм ва Жиззах вилоятларида “Бурч, жасорат, матонат” шиори остида ташкил этилган “Уч авлод учрашувлари” юксак руҳда ўтказилди
2026-05-05 17:00:00 / Янгиликлар
Учрашувларда фахрийлар ўзларининг ҳаёт йўллари ҳамда бой ва бебаҳо тажрибалари билан ўртоқлашдилар. Уларнинг самимий, мазмунли ва ҳаётий ҳикоялари ёшлар қалбида чуқур таассурот қолдирди. Шунингдек, ёшларга доимо ўз устида изчил ишлаш, билим ва кўникмаларни мунтазам равишда ошириб бориш, бугунги кунда яратилган кенг имконият ва шарт-шароитлардан оқилона ҳамда самарали фойдаланиш зарурлиги ҳақида илҳомлантирувчи фикрлар билдирилди.
Фахрийлар, шунингдек, қутқарувчи касби шарафли ва ниҳоятда масъулиятли касблардан бири эканини алоҳида таъкидладилар. Ушбу касб фидойилик, жасорат ва юксак матонатни талаб этиши, инсон ҳаётини асраш йўлида хизмат қилаётган қутқарувчиларнинг машаққатли меҳнати ва жасорати ҳар бир ёш учун ибрат экани қайд этилди. Тадбир якунида кўплаб ёшлар қутқарувчи бўлиш истагини билдирдилар.