Фавқулодда вазиятлар вазири Азизбек Икрамов Туркия Афад бошқармаси раҳбари Али Ҳамза Пеҳливан билан учрашув ўтказди
2026-04-29 19:25:00 / Янгиликлар
“Халқаро зилзила қурбонларини хотирлаш куни”га бағишланган халқаро конференцияда ўтказилган учрашувда икки давлат фавқулодда вазиятлар идоралари раҳбарлари сўнгги йилларда тажриба алмашиш, фавқулодда вазиятларнинг олдини олиш ва уларнинг оқибатларини бартараф этиш йўналишларида амалий ҳамкорлик изчил ривожланиб бораётганини мамнуният билан қайд этдилар.
Энг муҳим йўналишлардан бири сифатида малакали кадрлар тайёрлаш тизимини янада ривожлантириш, илмий ва инновацион тадқиқотларни такомиллаштириш ҳамда уларнинг амалий натижаларини амалиётга кенг жорий этиш масалаларига алоҳида эътибор қаратилди. Бу борада илғор тажрибаларни ўрганиш, илмий муассасалар ва амалий тузилмалар ўртасида узвий ҳамкорликни йўлга қўйиш, профессионал кадрларни замонавий дуал таълим тизими асосида ўқитиш устувор вазифа сифатида белгиланди.