“Фавқулодда вазиятлардан муҳофаза қилиш ва фуқаро муҳофазаси ойлиги” доирасида таълим муассасаларида амалий семинарлар ташкил этилмоқда
2026-04-28 15:10:00 / Янгиликлар
Самарқанд ва Қашқадарё вилоятлари Фавқулодда вазиятлар бошқармалари томонидан “Фавқулодда вазиятлардан муҳофаза қилиш ва фуқаро муҳофазаси ойлиги” доирасида таълим муассасаларида амалий семинарлар ташкил этилмоқда.
ФВВ ходимлари томонидан давлат мактабгача таълим ташкилотлари, умумтаълим мактаблари ҳамда олий таълим муассасаларида фавқулодда вазиятларнинг олдини олишга қаратилган тарғибот-ташвиқот тадбирлари ўтказилмоқда. Унда семинар иштирокчиларига ёнғин, ис газидан заҳарланиш, чақнаш ва бошқа фавқулодда вазиятларнинг олдини олиш, шунингдек, бундай ҳолатларда тўғри ҳаракат қилиш бўйича назарий билимлар берилиб, амалий машғулотлар орқали мустаҳкамланмоқда.