Шу муносабат билан, ФВВ марказий аппаратида ўтказилган видеоселектр йиғилишда ушбу ҳолат танқидий муҳокама қилиниб, тизимда коррупциявий ҳолатларни олдини олиш, ҳарбий интизомни мустаҳкамлаш, хизмат даврида шаффофлик ва адолат тамойилларига риоя этиш, ходимларнинг масъулиятини ошириш ва касбий этика қоидаларига амал қилиш каби масалалар юзасидан яна бирбор қаътий огоҳлантирилди. Йиғилишда шахсий таркибга коррупциявий ҳолатларни олдини олиш борасидаги тадбирлар ҳуқуқни муҳофаза қилувчи органлар ва ФВВ ҳамкорлигида ташкил этилаётганлиги, шу билан бирга, тизимда коррупцияга мойиллиги бор ходимларга ўрин йўқлиги таъкидлаб ўтилди. Шунингдек, коррупцион ҳолатларни ўз вақтида олдини олишга етарлича эътибор қаратмаганлиги сабабли Тошкент вилояти Фавқулодда вазиятлар бош бошқармаси бошлиғи ва унинг ўринбосарларига интизомий чора кўрилди.  Йиғилиш якунида, огоҳликни ошириш ва профилактик тадбирларни кучайтириш бўйича масъулларга топшириқлар берилди. Ҳурматли фуқаролар! Эслатиб ўтамиз, Фавқулодда вазиятлар вазирлиги ходимлари томонидан коррупция ҳолатларига дуч келсангиз, зудлик билан "1109" қисқа рақамли ишонч телефонига мурожаат қилинг.