Учтепа туманида криминоген ҳолат, жиноят ва ҳуқуқбузарликларга қарши курашиш борасида 2026-йилнинг I чорагида амалга оширилган ишлар ҳамда йўл қўйилган камчиликлар юзасидан танқидий йиғилиш бўлиб ўтди
2026-04-18 15:45:00 / Янгиликлар
Жорий йилнинг 18 апрель куни Фавқулодда вазиятлар вазири ўринбосари, полковник Х.Т. Сотиев, Тошкент шаҳар ИИББ бошлиғининг ўринбосари, полковник Д.М. Мирсадиков ҳамда туман ИИО ФМБ бошлиғи, подполковник А.А. Бахрамов ҳузурида Учтепа туманининг криминоген ҳолати, жиноятчилик ва ҳуқуқбузарликларнинг олдини олиш борасида 2026-йилнинг дастлабки уч ойи давомида амалга оширилган ишлар ва мавжуд камчиликларга бағишланган танқидий йиғилиш ўтказилди.
Йиғилиш давомида туман ИИО ФМБ томонидан барча йўналишларда амалга оширилган ишлар таҳлил қилиниб, аниқланган камчиликлар юзасидан тегишли фикр ва эътирозлар билдирилди. Шунингдек, 2026-йилнинг II чорагини ижобий натижалар билан якунлаш, I чоракда йўл қўйилган камчиликларни тезкор бартараф этиш ва уларнинг такрорланишига йўл қўймаслик бўйича аниқ топшириқ ҳамда кўрсатмалар берилди.
Шу билан бирга, Фавқулодда вазиятлар вазирлиги офицерлари ва курсантларининг туманда ҳуқуқбузарликлар профилактикасига қўшаётган ҳиссаси алоҳида эътироф этилиб, вазирлик раҳбариятига миннатдорчилик билдирилди.
Йиғилиш жараёнида Ўзбекистон Республикаси ИИВ ШХББ Тошкент шаҳар бошқармаси масъул ходими томонидан туманда 2026-йилнинг дастлабки уч ойи давомида аниқланган хизмат интизоми бузилиши ва қонунбузарликлар юзасидан амалга оширилган ишлар бўйича таҳлилий фикр ва мулоҳазалар билдирилди.
Йиғилиш якунида бош бошқарма бошлиғининг ўринбосари ҳамда туман бошқарма бошлиғи томонидан I чорак давомида камчиликларга йўл қўйган ходимларга нисбатан тегишли интизомий чоралар кўрилди. Шунингдек, юқори натижаларга эришган ходимлар рағбатлантирилди.