Сирдарё тумани Фавқулодда вазиятлар бўлими биноси капитал таъмирланиб фойдаланишга топширилди
2026-04-15 13:05:00 / Янгиликлар
Сирдарё тумани Фавқулодда вазиятлар бўлими биноси капитал таъмирдан чиқарилиб, фойдаланишга топширилди. Мазкур тадбирда Ўзбекистон Республикаси Фавқулодда вазиятлар вазирининг биринчи ўринбосари, Сирдарё тумани ҳокими, меҳнат фахрийлари, ёшлар ҳамда ФВБ раҳбарияти ва шахсий таркиби иштирок этди.
Тадбирда сўзга чиққанлар томонидан соҳада амалга оширилаётган ислоҳотлар, яратилган замонавий шарт-шароитлар ва кенг имкониятлар ҳақида атрофлича фикр билдирилди. Шунингдек, тизимда кўп йиллик самарали меҳнати билан намуна бўлган фахрийлар ёшларга мавжуд имкониятлардан оқилона фойдаланиш, соҳани янада ривожлантириш зарурлигини таъкидладилар.
Тадбир давомида ФВБ шахсий таркибига замонавий ёнғин-қутқарув техникаси ва енгил автомобил тантанали равишда топширилди.