Ҳудудларда ёшлар билан ишлаш самарадорлигини ошириш мақсадида ўқув семинарлари ўтказилди
2026-03-30 12:40:00 / Янгиликлар
Мазкур семинарда ёшлар билан ишлашнинг манзилли ва тизимли ёндашувлари, уларнинг муаммоларини ўрганиш ҳамда ижтимоий қўллаб-қувватлаш чораларини кучайтириш масалалари муҳокама қилинди. Шунингдек, ёшларни касб-ҳунарга йўналтириш, уларнинг бўш вақтини мазмунли ташкил этиш, ватанпарварлик руҳида тарбиялаш борасида амалга оширилаётган ишлар таҳлил этилди.
Семинар давомида соҳа мутахассислари томонидан амалий тавсиялар берилиб, ёшлар билан индивидуал ишлаш механизмларини янада такомиллаштириш юзасидан фикр алмашилди. Шунингдек, бошқарма бошлиқлари томонидан ушбу йўналишда олиб борилаётган ишларни янада кучайтириш, ҳар бир ёш билан манзилли ишлашни самарали ташкил этиш бўйича аниқ кўрсатмалар берилди.
Иштирокчилар томонидан илгари сурилган таклиф ва ташаббуслар келгусида амалга ошириладиган чора-тадбирлар учун муҳим асос бўлиб хизмат қилиши таъкидланди.
Тадбир якунида ёшлар билан ишлашда манзилли ёндашувни кучайтириш, уларнинг муаммоларига ўз вақтида ечим топиш ҳамда жамиятда муносиб ўрин эгаллашларига кўмаклашиш устувор вазифа экани қайд этилди.