Фавқулодда вазиятлар вазирлигининг ҳудудий бош бошқармалари, бошқармалари ҳамда таркибий тузилмаларида ҳуқуқбузарликларнинг олдини олишга қаратилган профилактик тадбирлар ўтказилди
2026-03-26 16:35:00 / Янгиликлар
Мазкур тадбирлар доирасида шахсий таркиб ўртасида хизмат интизоми ва қонунийликни мустаҳкамлаш, коррупция ҳолатларининг олдини олиш ҳамда ҳуқуқбузарликларнинг барвақт профилактикасини таъминлашга алоҳида эътибор қаратилди.
Тадбирлар жараёнида ходимларга амалдаги қонунчилик талаблари, хизмат одоби ва этикаси, шунингдек хизмат фаолиятида масъулиятни янада ошириш масалалари юзасидан тушунтириш ишлари олиб борилди.
Шунингдек, очиқ мулоқотлар, давра суҳбатлари ҳамда профилактик учрашувлар ташкил этилиб, ходимлар томонидан йўл қўйилиши мумкин бўлган турли ҳуқуқбузарликларнинг олдини олиш, хизмат фаолиятини ҳалоллик ва шаффофлик тамойиллари асосида олиб бориш зарурлиги таъкидланди.