Ҳудудий Фавқулодда вазиятлар бошқармалари раҳбарлари иштирокида “Ҳаёт фаолияти хавфсизлиги” ўқув марказлари фаолиятини такомиллаштириш юзасидан ўқув семинари бўлиб ўтди
2026-03-19 15:15:00 / Янгиликлар
Фавқулодда вазиятлар вазирининг топшириғига асосан Фуқаро муҳофазаси институти бошлиғи томонидан ҳудудий Фавқулодда вазиятлар бошқармалари “Ҳаёт фаолияти хавфсизлиги”ўқув марказлари фаолияти ўрганиб чиқилмоқда.
Жумладан, Андижон, Фарғона ва Наманган вилоятларидаги ўрганишлар давомида раҳбар ва масъуллар билан ўқув марказларини такомиллаштириш, уларнинг моддий-техник базасини ривожлантириш, аҳолини фавқулодда вазиятларда тўғри ҳаракат қилишга тайёрлаш қамровини янада ошириш ҳамда келгусида замонавий кўргазмали материаллар, интерактив ўқитиш воситалари билан жиҳозланган фавқулодда вазиятларда ҳаракат қилишга тайёрлаш бўйича янги мажмуаларни ишга тушириш масалалари муҳокама қилинди ва амалий тадбирлар белгилаб олинди.
Шунингдек, ҳудудий бошқармаларнинг моддий-техник базасини ривожлантириш мақсадида шартнома асосида корхона ва ташкилотларнинг ходимларини фавқулодда вазиятларда ҳаракат қилишга тайёрлаш юзасидан тажриба алмашилди.