Тошкент вилояти Фавқулодда вазиятлар бош бошқармаси томонидан тегишли ташкилотлар билан ҳамкорликда “Maksam-Chirchiq” АЖ ҳудудида махсус-тактик ўқув машқи ўтказилди
2026-03-18 15:15:00 / Янгиликлар
Мазкур ўқув машқида объект йиғма командаси ҳамда ФВДқТ хизматларининг ўзаро ҳамкорликдаги ҳаракатлари амалий жиҳатдан синовдан ўтказилди.
Машқ давомида шартли равишда юзага келган кимёвий авария оқибатларини бартараф этиш бўйича амалий ҳаракатлар бажарилди. Жумладан, авария ҳудудини зарарсизлантириш, фавқулодда вазият оқибатларини тезкор ва самарали бартараф этиш, жабрланганларга биринчи тиббий ёрдам кўрсатиш ҳамда бошқа зарур чора-тадбирлар амалга оширилди.
Ўқув машқи давомида иштирокчи хизматларнинг тезкорлиги, ўзаро ҳамкорлиги ва фавқулодда вазиятларда ҳаракат қилиш кўникмалари мустаҳкамланди.