Фавқулодда вазиятлар вазири генерал-майор А.И.Икрамов Наманган вилоятининг бир қатор ҳудудларида аҳоли ва ҳудудларни фавқулодда вазиятлардан муҳофаза қилиш тадбирлари билан танишди
2026-03-06 16:00:00 / Раҳбариятнинг баёнотлари ва нутқлари
Шунингдек, Норин дарёси бўйида сел-сув тошқини хавфи мавжуд ҳудудлар кўздан кечирилди. Дарё қирғоқларини мустаҳкамлаш, ўзанларни тозалаш ҳамда сув сатҳини мониторинг қилиш бўйича олиб борилаётган ишлар таҳлил қилинди.
Шундан сўнг Норин тумани Фавқулодда вазиятлар бўлимига борилиб, ходимлар учун яратилган шароитлар ва техникалар ҳолати билан танишилди. Хизмат фаолиятини самарали ташкил этиш ва моддий-техник базани мустаҳкамлаш бўйича раҳбарларга вазифалар белгиланди.
Жараёнда Янги Наманган туманидаги умумий ўрта таълим мактабида “Фуқаро муҳофазаси куни” тадбири ўтказилиб, унда Вазир ўқувчиларга зилзила, ёнғин, ис газидан заҳарланиш, сувда чўкиш ва овқатдан заҳарланишнинг олдини олиш бўйича мастер-класс ўтиди ҳамда ташкил этилган эвакуация машғулотларини кузатди.
Шунингдек, вазир “Б.Машраб” маҳалласида Давлат назорати инспектори фаолияти ва ёш волонтёрлар гуруҳи ишини кўздан кечириб, фавқулодда вазиятларнинг олдини олиш ва тезкор ҳаракат қилиш бўйича тегишли кўрсатмалар берди.
Наманган вилоятидаги ўрганишлар давом этмоқда.