Фавқулодда вазиятлар вазири генерал-майор А.И.Икрамов “Қамчиқ” довонида доимий шай ҳолатда бўлган қутқарувчилар фаолиятини яқиндан ўрганди.
2026-03-05 20:20:00 / Янгиликлар
Ўрганишлар давомида вазир томонидан довон ҳудудида олиб борилаётган хизмат фаолияти, навбатчилик масканида ташкил этилган исиниш пунктлари атрофлича кўздан кечирилди. Қутқарувчилар учун яратилган шарт-шароитлар, уларнинг хизматни самарали ва хавфсиз олиб боришлари учун зарур инфратузилма ҳамда маиший қулайликлар ҳам ўрганилди.
Шунингдек, авария-қутқарув отряди томонидан кўргазмали машғулот ўтказилиб, фавқулодда вазиятларда ҳаракат қилиш тартиби, тезкорлик ва ҳамжиҳатлик намойиш этилди. Ушбу машқ орқали қутқарувчиларнинг жанговар тайёргарлик даражасига баҳо берилди.
Тадбир доирасида “Қамчиқ” довонида жойлашган қутқарув отряди ҳамда қидирув-қутқарув отрядининг махсус техникалари, замонавий асбоб-анжомлари ва ҳимоя воситалари батафсил ўрганилди. Уларнинг техник ҳолати, доимий шайлиги ва амалиётга тайёрлиги юзасидан масъулларга тегишли тавсиялар берилди.