Мазкур семинарда Фавқулодда вазиятлар вазирининг биринчи ўринбосари, тегишли вазирлик ва идоралар раҳбарлари ўринбосарлари, вилоятдаги барча ҳуқуқни муҳофаза қилувчи органлар вакиллари ҳамда ёшлар бириктирилган масъул офицерлар иштирок этди.

Тадбирнинг асосий мақсади – оталиққа олинган ёшлар билан манзилли, тизимли ва самарали ишлаш механизмларини кучайтириш, уларнинг муаммо ва эҳтиёжларини ўз вақтида аниқлаб, амалий ёрдам кўрсатиш чораларини муҳокама қилишдан иборат бўлди.

Шунингдек, манзилли ишлаш жараёнида аниқланган муаммолар, уларни бартараф этиш бўйича таклиф ва тавсиялар, илғор тажрибалар алмашилди. Масъул офицерлар томонидан ҳар бир ёш билан индивидуал режа асосида ишлаш, уларнинг қизиқиш ва салоҳиятидан келиб чиқиб аниқ чоралар белгилаш зарурлиги таъкидланди.

Тадбир якунида оталиққа олинган ёшлар билан ишлаш самарадорлигини ошириш, идоралараро ҳамкорликни мустаҳкамлаш ва назорат механизмларини кучайтириш бўйича аниқ вазифалар белгилаб олинди. Семинар иштирокчилари томонидан бу борадаги ишларни янги босқичга олиб чиқиш юзасидан келгусидаги устувор йўналишлар белгиланди.