ФВВ Марказий аппаратида “Ёш қутқарувчи” мусобақасининг туман (шаҳар) ва ҳудудий босқичларини ўтказиш тўғрисида ташкилий қўмитанинг республика семинари ўтказилди
2026-02-25 17:50:00 / Янгиликлар
Бугун, Фавқулодда вазиятлар вазирлиги Марказий аппаратида “Ёш қутқарувчи” кўнгиллилар клубларини тузиш борасида амалга оширилган ишлар, 2026 йилда “Ёш қутқарувчи” мусобақасининг туман (шаҳар) ва ҳудудий босқичларини ўтказиш тўғрисида ташкилий қўмитанинг республика семинари ўтказилди.
Унда Олий таълим, фан ва инновациялар, Мактабгача ва мактаб таълими, Спорт, Маданият, Соғлиқни сақлаш вазирликлари ҳамда Ёшлар ишлари агентлиги ва Ўзбекистон Ёшлар иттифоқи Марказий кенгашининг масъул ходимлари иштирок этди.
Республика семинарига ҳудудий фавқулодда вазиятлар бошқармалари ҳамда тегишли вазирлик ва идораларнинг масъул ходимларини жалб этган ҳолда “Ёш қутқарувчи” кўнгиллилар клубларини тузиш ҳамда “Ёш қутқарувчи” мусобақасининг туман (шаҳар) ва ҳудудий босқичларини юқори савияда ўтказиш бўйича фикр алмашилди ҳамда тавсия ва таклифлар берилди.