Заҳириддин Муҳаммад Бобур таваллудининг 543 йиллиги муносабати билан бир қатор маънавий-маърифий тадбирлар ташкил этилди
2026-02-13 14:40:00 / Янгиликлар
Фавқулодда вазиятлар вазирлиги тизимида буюк шоир ва олим, машҳур давлат арбоби Заҳириддин Муҳаммад Бобур таваллудининг 543 йиллиги муносабати билан бир қатор маънавий-маърифий тадбирлар – бобуршунос олимлар, шоир ва санъаткорлар иштирокида ижодий учрашув ва ғазалхонлик кечалари, анжуман ва давра суҳбатлари ташкил этилмоқда.
Хусусан, вазирлик марказий аппаратида таниқли шоира, филология фанлари доктори, профессор Сайёра Тўйчичеева, ФВВ Академиясида Ўзбекистон халқ артисти Теша Мўминовлар билан ижодий учрашувлар бўлиб ўтди.
Шунингдек, ҳудудий бош бошқармалар, бошқармалар ва таркибий тузилмаларда ҳам бобурхонлик кечалари кўтаринки руҳда ўтказилмоқда.
Бу каби тадбирлар ўз навбатида, ходимларнинг маънавий савиясини ошириб, дунёқарашини кенгайтиришга, уларнинг буюк аждодларимизнинг бебаҳо меросидан баҳраманд бўлиб, миллий ғурур ва ифтихор туйғуларини мустаҳкамлашга хизмат қилади.