Қорақалпоғистон Республикаси ва Хоразм вилояти ФВБлари томонидан “Уч авлод” ва “Раҳбар ва ёшлар” учрашувлари доирасида маънавий-маърифий тадбирлар ўтказилди
2026-02-06 15:05:00 / Янгиликлар
Тадбирлар давомида сўзга чиққан соҳа фахрийлари ўзларининг кўп йиллик хизмат фаолияти, фавқулодда вазиятларни бартараф этиш жараёнидаги синовли лаҳзалар, жасорат ва матонат талаб этган воқеалар ҳақида сўзлаб бердилар. Уларнинг ҳаётий тажрибаси, хизмат йўлидаги ибратли фаолияти ёшларда катта қизиқиш уйғотди ҳамда очиқ мулоқот тарзида савол-жавоблар ташкил этилди.
“Раҳбар ва ёшлар” учрашувларида эса бошқарма раҳбарияти томонидан ёш ходимларнинг хизмат фаолияти, касбий малакасини ошириш, замонавий билим ва кўникмаларни эгаллаши, шунингдек, уларнинг бўш вақтини мазмунли ташкил этиш масалаларига алоҳида эътибор қаратилди. Ёшлар ўзларини қизиқтирган саволлар, таклиф ва ташаббуслари билан фаол иштирок этдилар.