Ўзбекистон Республикаси Фавқулодда вазиятлар вазирлиги

Фавқулодда вазиятларнинг олдини олиш ҳамда аҳоли хавфсизлигини таъминлаш мақсадида Фавқулодда вазиятлар вазирлиги ишчи-гуруҳи раҳбарлигида Гулистон шаҳрида жойлашган савдо кўнгилочар масканларнинг ёнғин хавфсизлиги ҳолати бўйича ўрганиш ишлари олиб борилди.

Ўрганишлар Фавқулодда вазиятлар вазири ўринбосари раҳбарлигида олиб борилиб, объектларда ўрнатилган автоматик ёнғин ўчириш тизимлари, ёнғин ҳақида автоматик хабар бериш воситалари, захира эвакуация йўлаклари, ички ёнғин ўчириш жўмраклари, бирламчи ёнғин ўчириш воситалари ҳамда бошқа ёнғинга қарши инвентарларнинг мавжудлиги, созлиги ва доимий ишчи ҳолатда эканлиги батафсил кўздан кечирилди.

Шунингдек, ишчи-ходимлар билан фавқулодда вазиятлар содир бўлганда тўғри ва тезкор ҳаракат қилиш, фуқаролар хавфсизлигини таъминлаш ҳамда ёнғин хавфсизлиги қоидаларига қатъий риоя этиш масалаларида тушунтириш ва йўриқнома ишлари олиб борилди.