Аввал хабар қилинганидек, “Universal Mobile Systems” МЧЖ (MobiUz) устав капиталидаги 100 фоиз давлат улушини халқаро очиқ савдо жараёнларининг якуний босқичи давом этмоқда.

Савдо жараёнини шаффоф ва рақобат муҳитида ўтказиш мақсадида, қуйидаги халқаро консалтинг компаниялари жалб этилганлиги эслатиб ўтилади:

• стратегик ва молиявий консультант сифатида – “Rothschild & Co”;
• молиявий консультант сифатида, шунингдек молиявий, солиқ ва юридик экспертиза (vendor due diligence) учун – “KPMG”;
• мустақил баҳоловчи сифатида – “Deloitte”.

Ушбу MobiUz хусусийлаштириш жараёнининг асосий мақсади Ўзбекистон Республикаси учун Жамиятни сотиш натижасида энг юқори иқтисодий фойдага эришишдан иборат. Шунга кура, рақобат муҳитида энг мақбул натижага эришиш учун савдо жараённинг айрим параметрлари такомиллаштирилиши мумкин.

Жорий босқич доирасида Давлат активлари агентлиги иштирокчиларга 2026 йил 20 апрель соат 23:59 (Тошкент вақти билан)га қадар аввал тақдим этилган Мажбуриятга эга бўлган таклифлари (BO)ни қайта тақдим этиш орқали яхшилаш имкониятини яратади.

Кейинги жараён тўғрисида барча талабгорлар Консультантлар томонидан жараён хати (Process Letter) орқали индивидуал равишда хабардор қилинади.

Давлат активлари агентлиги Консультантлар билан ҳамкорликда савдонинг барча жараёнлари тўғрисида жамоатчиликка ахборот бериб, иштирокчиларни хабардор қилиб борилишини таъминлайди.

Дисклеймер

Давлат активлари агентлиги сотиш жараёнининг кетма-кетлигини ўзгартириш ёки потенциал харидорга (харидорларга) сотишни ёки сабабларини тушунтирмасдан исталган вақтда улар билан музокара олиб боришни рад этиш ҳуқуқини ўзида сақлаб қолади.

Ушбу эълон ёки унинг мазмунининг бирон-бир қисми мазкур эълон чоп этилишидан келиб чиқиб тахмин қилиниши мумкин бўлган Давлат активлари агентлигининг Жамиятни сотиш билан боғлиқ бирор-бир шаклдаги мажбурияти сифатида талқин қилинмаслиги керак. Давлат активлари агентлиги ўз хоҳишига кўра ҳар қандай вақтда ва ҳар қандай муносабатда, биргаликдаги ёки шахсий жавобгарликни ўз зиммаларига олмасдан:

(i) Савдо жараёнининг барча босқичлари муддатларига ўзгартириш киритиш;

(ii) турли хил манфаатдор томонлар учун турли хил тартиб-қоидалар бўйича иш тутиш ва/ёки Давлат активлари агентлиги томонидан кўзда тутилган режа-жадвал ва тартиб доирасида исталган бошқа потенциал харидорни (харидорларни) олдиндан огоҳлантирмасдан чиқариб ташлаган ҳолда бир ёки бир нечта потенциал харидорлар билан музокаралар олиб бориш;

(iii) аниқ сабабга кўра сотиш жараёнини тўхтатиш;

(iv) ва/ёки исталган вақтда ва сабабларни тушунтирмасдан Савдога тааллуқли бўлган ҳар қандай потенциал харидор (харидорлар) билан ҳар қандай муҳокама ва музокараларни олиб бориш/тугатиш ҳуқуқларини ўзида сақлаб қолади.