Ўзбекистон Республикаси Қишлоқ хўжалиги вазирлиги

Қишлоқ хўжалиги вазирлигида “Озбекбалиқсаноат” уюшмаси раҳбарияти ҳамда Хитой Халқ Республикасининг “Шандонг Ёуфа Гроуп” компанияси вакилларининг учрашуви бўлиб ўтди.

Учрашув чоғида икки томонлама ҳамкорликни ё‘лга қўйиш ҳамда кенгайтириш истиқболлари кўриб чиқилди. Хусусан, Ўзбекистонда креветкани саноат усулида етиштиришни ё‘лга қўйиш масаласига э’тибор қаратилди.

Шунингдек, хитойлик экспертларга Ўзбекистонда креветка етиштириш учун мавжуд шарт-шароитлар, табиий ва сун’ий сув ҳавзалари, сув ҳажми ва шўрлик даражаси каби зарурий ма’лумотлар тақдим этилди.

Ўз навбатида экспертлар томонидан бугунги кунда Хитой Халқ Республикасида креветка етиштиришнинг технологияси, усуллари, ҳажмлари ва бошқа аҳамиятли жиҳатлари юзасидан тушунтиришлар бериб ўтилди.

Айтиш жоиз, бугун жаҳонда энг сердаромад тармоқлардан бири бўлган балиқчилик саноати инсоният тамаддунининг илк босқичларидаёқ ривожлана бошлаган. Ўтган давр мобайнида балиқ маҳсулотлари аксарият халқлар дастурхонидан нафақат кундалик егулик, балки саломатлик учун энг зарур маҳсулот сифатида мустаҳкам ўрин эгаллади.

Музокаралар чоғида Хитой компанияси вакиллари Ўзбекистонда креветка етиштиришнинг 4 хил усулини қўлламоқчи эканликларини айтиб ўтишди. Ушбу 4 хил услубда креветка боқишнинг негизида сувни сун’ий тарзда шўрлатиш ётади. “Шандонг Ёуфа Гроуп” компанияси директорининг айтишича сун’ий тарзда шўрлатилган сувда креветка боқилгандан сўнг, артемия балиғини ҳам боқиш кўзда тутилган. Шунингдек, учрашувда Ўзбекистон саноатчилигида “Яшил энергия”га катта э’тибор қаратилиши ва  бу борада амалга оширилаётган ишлар ҳақида ҳам батафсил ма’лумот берилди.