Germaniyaning O‘zbekistondagi elchixonasi vakili bilan uchrashuv bo‘lib o‘tdi
2025-03-03 09:00:00 / Yangiliklar
O‘zbekiston Respublikasi Tashqi ishlar vazirligi hamkorligida tashkil etilgan uchrashuvda texnik tartibga solish, standartlashtirish, metrologiya va muvofilikni baholash sohasida hamkorlik munosabatlarning hozirgi holati va istiqbollari, hamkorlik koʼlamlarini kengaytirish, malakali kadrlar tayyorlash, grantlar va texnik koʼmakni jalb etish masalalari muhokama qilindi.
Muloqot davomida mahsulotlar sinovi va metrologiya sohasida zarur boʼlgan loyihalar yuzasidan taqdimot qilindi va mavjud laboratoriyalar faoliyati bilan tanishtirildi.
Suhbat chog‘ida "O‘zbekiston iqtisodiyoti uchun milliy sifat nifratuzilmasidagi isloxotlarni va sifatni taʼminlash xizmatlarini rivojlantirishni qoʼllab-quvvatlash" loyihasi doirasida amalga oshirilgan ishlar ko‘rib chiqildi va yangi istiqbolli loyihalarni kengaytirish va yanada chuqurlashtirishga alohida eʼtibor qaratildi.
Shuningdek, malakali kadrlar tayyorlashda qo‘shma loyihalarni yoʼlga qoʼyish yuzasidan qator takliflar ilgari surildi.
O‘zbekiston milliy metrologiya institutining laboratoriyalar faoliyati va etalonlarni rivojlantirishga qaratilgan laboratoriyalar texnik bazasi bilan yaqindan tanishtirildi.
Milliy etalonlarni saqlash, ulardan foydalanish boʼyicha yaratilgan infratuzilma, O‘zbekiston ilmiy-sinov va sifat nazorati markazi laboratoriyalardagi shart-sharoitlar xalqaro standartlar va meʼyoriy talablarga mosligi elchi Rebecca Dovergne xonim tomonidan eʼtirof etildi.
Uchrashuv yakunlari bo‘yicha tomonlar bundan buyon ham O‘zbekiston va Germaniya o‘rtasida soha yo‘nalishida ikki tomonlama hamkorlikni mustahkamlash uchun barcha saʼy-harakatni ishga solishga tayyor ekanliklarini bildirdi.