Joriy yilning 8-10 avgust kunlari Xiva shahrida anʼanaviy “Qovun sayli” boʼlib oʼtadi.
2025-07-02 10:40:00 / Yangiliklar
✅ Ming yillik anʼanalar asosida oʼtkazib kelinayotgan, zamonaviy turizm va madaniy tadbirlar bilan uygʼunlashgan “Qovun sayli” festivali qadimiy va navqiron Xiva shahrida — "Ichonqalʼa" va "Аrda Xiva" majmualarida tantanali ravishda oʼtkaziladi.
✅ Ushbu festival Oʼzbekiston Respublikasi Prezidentining 2023 yil 26 apreldagi “Respublikaning turizm salohiyatini jadal rivojlantirish hamda mahalliy va xorijiy turistlar sonini yanada oshirishga doir qoʼshimcha chora-tadbirlar toʼgʼrisida”gi qaroriga muvofiq, Xorazm viloyati hokimligi tomonidan amalga oshirilmoqda.
✅ Festival doirasida Xorazm viloyatining shahar-tumanlari oʼz hududlarida yetishtirilgan shirin qovunlarning koʼrgazma-savdosini oʼtkazadi. Pavilьonlar hududiy rang-baranglik asosida bayramona bezatiladi.
✅ Shuningdek, teatrlashtirilgan sahnalar, qoʼgʼirchoq teatri va milliy liboslar namoyishi, milliy taomlar, Xorazm nonlari va hunarmandchilik mahsulotlari koʼrgazmalari, badiiy jamoalar, folьklor guruhlarining jonli ijro chiqishlari, mahorat darslari, tasviriy va amaliy sanʼat asarlari koʼrgazmasi tashkil etiladi.
✅ “Qovun sayli” da faol ishtirok etganlar turli nominatsiyalar asosida Xorazm viloyat hokimligi va homiylarning qimmatbaho sovgʼalari bilan taqdirlanadi.
✅ Festivalning asosiy tadbirlari mahalliy va xorijiy yulduzlar ishtirokidagi gala kontsertlar bilan 8-9 avgust kunlari "Ichonqalʼa" va 10 avgust kuni “Аrda Xiva” turizm majmualarida boʼlib oʼtadi.
📑 Tashkilotchi:
Xorazm viloyati hokimligi
📍 Manzil: Xorazm viloyati, Xiva shahri
📞 Telefon:
+998934661001
+998985775711
🌐 qovunsayli.uz
📩 Elektron pochta: qovunsaylifestivali@gmail.com
Xorazm viloyati hokimligi matbuot xizmati