Avtomobil yo‘llari tarmog‘ini rivojlantirish bo‘yicha 2025 yilning yanvar-iyun oylarida
amalga oshirilgan ishlar to‘g‘risida

MA’LUMOT

2025 yilning yanvar-iyun oylarida 7 trln 44 mlrd so‘m miqdorida yo‘l ishlari bajarildi va 8 619 km avtomobil yo‘llari rekonstruksiya qilindi va ta’mirlandi, jumladan:

1. Ijtimoiy va ishlab chiqarish infratuzilmasini rivojlantirish dasturi doirasida 1,5 trln so‘m miqdorida ishlar bajarilib, 139,9 km avtomobil yo‘llari rekonstruksiya qilindi va ta’mirlandi.

2. Umumiy foydalanishdagi avtomobil yo‘llarini texnik soz holatda saqlash bo‘yicha 1 trln 906 mlrd so‘m miqdorida ishlar bajarilib, 4 567 km avtomobil yo‘llari ta’mirlandi va holati yaxshilandi.

3. “Tashabbusli budjet” dasturi doirasida 947,4 mlrd so‘m mablag‘ hisobiga 2 015 km ichki yo‘llar ta’mirlandi. Bundan tashqari, 1 691,4 km tuproq yo‘llar shag‘allashtirildi.

4. “Kambag‘allikdan farovonlik sari” dasturi doirasida eng og‘ir ahvoldagi mahallalarda 74,3 mlrd so‘m miqdorida ishlar bajarilib, 71,5 km ichki yo‘llar ta’mirlandi.

5. Xalqaro moliya institutlari ishtirokidagi loyihalar bo‘yicha 202,8 mln dollar (2 616,1 mlrd so‘m) o‘zlashtirildi hamda 135 km yo‘llar sement-beton qoplama bilan yangidan qurildi.