Mamlakatimizda so‘nggi yillarda davlatimiz tomonidan aholini ijtimoiy himoya qilish, bandligini ta’minlash hamda kambag‘allikni qisqartish borasida tizimli ishlar amalga oshirilmoqda. Bugun “Hammasi inson uchun, inson qadri uchun!” tamoyili asosida qilinayotgan ishlar O‘rmon va yashil hududlarni ko‘paytirish, cho‘llanishga qarshi kurashish agentligi tomonidan ham amalga oshirilmoqda.

Mazkur ishlarning amaliy ifodasi sifatida O‘rmon agentligi hamda Payariq tuman hokimligi bilan birgalikda tumandagi kam ta’minlangan aholining holidan xabar olindi.

Agentlik direktori Erkin Muhiddinov tumandagi Nakurt, Oqtosh, Polvonariq va Ko‘ktepa mahallalarining kam ta’minlangan oilalariga zamonaviy tikuv mashinasi, sartaroshlik qilish uchun zarur bo‘lgan asbob uskunalar hamda bir nafar nogironligi bo‘lgan fuqaroga zamonaviy kompyuterni topshirdi.

Mazkur mahallalarda tashkil etilgan uchrashuvlarda aholi muammolarini ijobiy hal etishga qaratilgan tizimli chora-tadbirlar belgilab olindi.