Toshkent davlat agrar universitetida “Karyera kuni” o‘tkazildi. Unda O‘rmon xo‘jaligi agentligi rahbariyati, universitet o‘qituvchi va talabalari ishtirok etdi. Tadbirda so‘z olgan O‘rmon xo‘jaligi agentligi direktori o‘rinbosari G‘olibjon Qurbonov Agentlik talabalarning amaliy bilim olishlariga ko‘maklashishga doim tayyor ekanligini bildirib, ularning kelgusi ishlariga muvaffaqiyatlar tiladi.

Shundan so‘ng, universitetning O‘rmon xo‘jaligi va landshaft dizayn fakulteti talabalari o‘z sohasidagi bo‘sh ish o‘rinlari bilan yaqindan tanishish imkoniga ega bo‘lishdi.

Shuningdek, tadbirda O‘rmon xo‘jaligi agentligi sohasida faol ishtirok etib kelayotgan 10 nafarga yaqin bilimli talabalar maxsus tashakkurnomalar bilan taqdirlandi.