Yoshlarni ijtimoiy qo‘llab-quvvatlash – taraqqiyotning muhim omili
2026-04-13 15:35:00 / Yangiliklar
Ekologiya qo‘mitasi huzuridagi O‘rmon agentligi direktori Erkin Muhiddinov Toshkent viloyatining Quyi Chirchiq tumanidagi Yulduz mahalla fuqarolar yig‘inida yashovchi bir guruh uyushmagan yoshlar va ularning yaqinlari bilan uchrashdi.
Uchrashuvda yoshlarning muammolari, reja va maqsadlari tinglandi. Ularning salohiyatini yuzaga chiqarish, o‘quv kusrlarida o‘qitish, oliy ta’lim muassasalarida tahsil olayotgan yoshlarga kontrakt to‘lov masalasida moddiy yordam ko‘rsatish, tikuvchilik faoliyatini tashkil etishda ko‘maklashish hamda mavjud bo‘sh ish o‘rinlariga joylashtirish masalalari yuzasidan tegishli choralar ko‘rilishi belgilandi. Yoshlar tomonidan bildirilgan taklif va tashabbuslar doimo qo‘llab-quvvatlanilishi ta’kidlandi.
Yakunda yoshlar bugun davlat tomonidan ularni har tomonlama qo‘llab-quvvatlash maqsadida ko‘rsatilayotgan e’tibor uchun minnatdorlik bildirishdi.