Navoiyda manfaatlar to‘qnashuvining oldini olish masalalariga bag‘ishlangan seminar o‘tkazildi
2026-03-27 18:45:00 / Majlislar
Davlat rahbarining 2024-yil 5-iyundagi “O‘zbekiston Respublikasining “Manfaatlar to‘qnashuvi to‘g‘risida”gi qonuni ijrosini samarali tashkil etish chora-tadbirlari to‘g‘risida”gi qarori ijrosini ta’minlash maqsadida Navoiy ko‘chatchilikka ixtisoslashtirilgan davlat o‘rmon xo‘jaligida o‘quv seminari tashkil etildi.
Xo‘jalik mutaxassislari va huquqni muhofaza qiluvchi organlar vakillari ishtirok etgan tadbirda davlat tashkilotlarida xodimlar shaxsiy manfaatlari va xizmat vazifalari o‘rtasidagi ziddiyatlarning oldini olish, shaffoflik va adolatni ta’minlash, manfaatlar to‘qnashuvi holatlarini bartaraf etish kabi masalalarga e’tibor qaratildi.
Tadbirda qonunda manfaatlar to‘qnashuvi tushunchasi va turlari, Odob-axloq komissiyasi hamda davlat organlarining vakolatlari haqida ma’lumot berildi.
Ma’lumot o‘rnida aytish joizki, ayni mavzular targ‘ibotiga bag‘ishlangan seminarlar respublikaning barcha hududiy tayanch davlat o‘rmon xo‘jaliklarida o‘tkazilishi rejalashtirilgan.