O‘rmon va yashil hududlarni ko‘paytirish, cho‘llanishga qarshi kurashish agentligi

Shu maqsadda O‘rmon agentligi tomonidan Kadastr agentligi va Aerogeodeziya markazi bilan hamkorlikda o‘rmon fondi yerlarining aero-kosmik kuzatuvlari asosida ularning ortofotoplanlarini yaratish, deshifrovkalash va elektron raqamli xaritalarini ishlab chiqish ishlari amalga oshirilmoqda.

Buning natijasida o‘rmon xo‘jaliklarining aniq chegaralari, yagona kontur raqamlari va yer turlarini ko‘rsatuvchi elektron raqamli xaritalari ishlab chiqiladi. Yer maydonlarining hisobini yuritish, turlarini aniqlash hamda kadastr ma’lumotlarini yangilash imkoniyati yaratiladi.

Ma’lumot o‘rnida, ortofotoplan — aerosuratga olish va kosmik suratga olish orqali olingan aerokosmik suratlarni differensial ortotransformatsiya qilish usuli asosida markaziy proyeksiyadan ortogonal proyeksiyaga oʻzgartirish natijasida olingan joyning aniq geodezik asosdagi fotosuratli plani.