O‘rmon va yashil hududlarni ko‘paytirish, cho‘llanishga qarshi kurashish agentligi

Tadbirda universitet rektori Narzullo Oblamurodov, Agentlik mas’ullari, hududiy tayanch o‘rmon xo‘jaliklari rahbarlari, universitet professor-o‘qituvchilari va talabalar ishtirok etdi.

Dastlab Erkin Muhiddinov va tadbir ishtirokchilari universitetda tashkil etilgan urug‘chilikni rivojlantirish va ko‘chat qalamchalarini ilmiy asosda yetishtirish, qishloq xo‘jaligi mahsulotlarini samarali usulda saqlash, qayta ishlash va qadoqlash laboratoriyalari hamda o‘rmonchilik va landshaft dizayni o‘quv-amaliy xonasi faoliyati bilan tanishishdi.

Tadbirda Agentlik direktori, hududiy davlat o‘rmon xo‘jaliklari rahbarlari hamda talabalar ishtirokida davra suhbati tashkil etildi. Ochiq va samimiy ruhda o‘tgan muloqot davomida o‘rmon xo‘jaligi sohasining bugungi dolzarb masalalari, istiqbolli yo‘nalishlari hamda kadrlar salohiyatini oshirish masalalari muhokama qilindi.

Shuningdek, seminarda sohaga oid bilim va ko‘nikmalarga ega, iqtidorli hamda xorijiy tillarni puxta biladigan talabalarni O‘rmon agentligi va uning tizimidagi xo‘jaliklarga ishga jalb etish, ularning kasbiy rivojlanishi uchun keng imkoniyatlar yaratish masalalariga alohida e’tibor qaratildi.