O‘rmon va yashil hududlarni ko‘paytirish, cho‘llanishga qarshi kurashish agentligi

Seminarda guruh a’zolari D. Aralova, Z. Mamadaliyeva, S. Amanbayevalar loyihani samarali tashkil etish va ishlarni tizimli yo‘lga qo‘yish bo‘yicha taqdimot o‘tkazdi.

Shuningdek, O‘zbekiston Respublikasi Prezidentining 2024-yil 27-martdagi "Xalqaro taraqqiyot uyushmasi ishtirokida "O‘zbekistonda barqaror o‘rmon landshaftlarini tiklash" loyihasini amalga oshirish chora-tadbirlari to‘g‘risida"gi 140-son qarorining mazmun-mohiyati atroflicha tushuntirildi. O‘rmon landshaftlarini tiklash va o‘rmon resurslarini samarali boshqarish, "yashil iqtisodiyot"ni qo‘llab-quvvatlash choralarini izchil davom ettirish masalalari muhokama qilindi.

Yakunda loyihani amalga oshirish jarayonida aholi va o‘rmon xo‘jaligi atrofida tadbirkorlik bilan shug‘ullanuvchilarga zarar yetkazmasdan ishlarni samarali yo‘lga qo‘yish to‘g‘risida ko‘rsatmalar berildi.