O‘rmon va yashil hududlarni ko‘paytirish, cho‘llanishga qarshi kurashish agentligi

Tadbirda Ekologiya qo‘mitasi va O‘rmon agentligi mas’ullari, tizim tashkilotlari vakillari hamda zoom platformasi orqali esa hududiy bo‘linmalar xodimlari online formatda ishtirok etdi.

Davra suhbatida O‘zbekiston Respublikasi Oliy Majlisi Qonunchilik palatasi deputati Navro‘zbek Yusupov ishtirok etib, “Atrof-muhitni muhofaza qilishning Konstitutsiyaviy asoslari va ularning ijrosi” mavzusida ma’ruza qildi.

Tadbirda so‘z olganlar amalga oshirilayotgan konstitutsiyaviy islohotlar, inson huquq va erkinliklarining mustahkamlanishi, atrof-muhitni muhofaza qilish borasidagi yangi huquqiy mexanizmlar hamda ularning amaldagi ijrosi yuzasidan o‘z fikr-mulohazalarini bildirishdi.

Tadbir davomida Konstitutsiyada belgilangan ekologik normalarning ahamiyati, ekologik xavfsizlikni ta’minlash bo‘yicha davlat siyosati ustuvor yo‘nalishlari, aholining ekologik madaniyatini oshirishdagi dolzarb masalalar muhokama qilindi.

Tadbir davomida O‘rmon agentligi direktori maslahatchisi Yulduz Oripova 10-dekabr O‘zbekiston Respublikasi davlat madhiyasi qabul qilingan kun munosabati bilan barchani tabrikladi. Davlat madhiyasining yaratilishi tarixi, O‘zbekiston xalq shoiri Abdulla Oripov va bastakor Mutal Burxonovning bu boradagi xizmatlarini e’tirof etdi va barcha yoshlarni Vatanni sevishga, e’zozlashga da’vat etdi.

Davra suhbati ishtirokchilari Konstitutsiyaviy qoidalar asosida atrof-muhitni muhofaza qilish, iqlim o‘zgarishiga moslashish va barqaror rivojlanishni ta’minlash yo‘lida hamkorlik faolligini yanada oshirish muhimligini ta’kidladilar.