O‘rmon va yashil hududlarni ko‘paytirish, cho‘llanishga qarshi kurashish agentligi

Tadbir avvalida “Yashil hudud” davlat unitar korxonasining direktori Ulug‘bek Qurbonov so‘zga chiqib, ushbu texnikalarning tabiiy boyliklarni asrab avaylash, daraxtlarning kasallik va zararkunandalari xavfini kamaytirishdagi o‘rni haqida fikr-mulohazalarini bildirdi. Shuningdek U. Qurbonov ishtirokchilarga texnikalardan foydalanish bo‘yicha ko‘rsatmalar berdi.

Manzilli Dasturga asosan 14 dona suv tashuvchi avtomashina, 14 dona harakatlanuvchi kompressor, 28 dona maxsus suv purkagich, 14 dona 1 tonna sig‘imli idish, 28 dona moto arra va 98 dona boshqa jihozlar “Yashil hudud” DUKning hududiy bo‘linmalariga topshirildi.

Ma’lumot o‘rnida, jami qiymati qariyb 6 mlrd so‘mga teng bo‘lgan ushbu asbob-uskuna va mobil laboratoriyalar Respublika budjeti hisobidan xarid qilingan. Ushbu texnikalar Samarqand shahridagi “Samavto” qo‘shma korxonasida ishlab chiqarilgan.

Endilikda zamonaviy texnik vositalar bilan ta’minlangan “Yashil hudud” DUK hududiy bo‘linmalari kelgusida o‘z faoliyatini yanada samarali tashkil etish va o‘rmonlarni asrab-avaylashda qulay imkoniyatlarga ega bo‘ladi.