Etalonlar va yuqori aniqlikdagi o‘lchash vositalarini xarid qilish dasturi” 2026-yil 1-chorak ijrosi to‘g‘risida ma’lumot
O‘zbekiston texnik jihatdan tartibga solish agentligi (keyingi o‘rinlarda — Agentlik) O‘zbekiston Respublikasi Prezidentining 2023-yil 29-dekabrdagi
PQ-422-son qarorining 9-bandi, to‘rtinichi xat boshi hamda O‘zbekiston Respublikasi Prezidentining 2025-yil 26-dekabrdagi PQ-388-son qarorining
15-bandida “Birinchi darajali byudjet mablag‘larini taqsimlovchilarning 2026-2028-yillar uchun byudjet mablag‘laridan foydalanish bilan bog‘liq maqsadli indikatorlari 6-ilova (32-bandi)ga muvofiq tasdiqlangan reja topshiriqlar ijrosi yuzasidan quyidagilarni ma’lum qiladi:
2025-yil 25-dekabrdagi “2026-yil uchun O‘zbekiston Respublikasining davlat budjeti to‘g‘risida”gi O’RQ-1105-sonli Qonuninig 5-ilovasi, 54-bandi bilan Agentlikning “Etalonlar va yuqori aniqlikdagi o‘lchash vositalarini xarid qilish dasturi” uchun davlat budjetidan 120,0 mlrd. so‘m ajratilgan, hamda O‘zbekiston Respublikasi Prezidentining 2026-yil 16-fevraldagi PF-25-sonli Farmonining 19(b)-bandiga asosan tasdiqlangan 4-ilovada keltirilgan etalonlarni xarid qilish uchun jami 250.0 mlrd.so‘m mablag‘ ajratilishi belgilangan.
Qonun ijrosini ta’minlash maqsadida Agentlik tasarrufidagi “O‘zbekiston milliy metrologiya instituti” DM (keyingi o‘rinlarda — Institut) tomonidan yuqori aniqlikdagi etalonlar xaridi uchun belgilangan tartibda texnik topshiriqlar ishlab chiqildi hamda ajratilgan 120,0 mlrd. so‘m mablag‘lar doirasida xarajatlar smetasi tuzilib, Iqtisodiyot va moliya vazirligidan ro‘yhatdan o‘tkazildi.
Hozirda qiymati 32,2 mlrd soʻm boʻlgan jami 1-ta (Geometrik uzunliklarni oʻlchash kompleksi (uch koordinatli oʻlchash tizimi) etaloni tender savdolari orqali davlat xaridlari elektron tizimiga e'lon berildi. (savdo 15.04.2026y. kuni yakunlanadi).
Joriy yilning fevral oyida 29,1 mlrd soʻm boʻlgan jami 2 ta (-50 dan 3000 °S gacha oraliqdagi birlamchi radiasion oʻlchashlar sohasidagi harorat birligi etaloni va -50 dan 3000 °S gacha oraliqdagi ikkilamchi radiasion oʻlchashlar sohasidagi harorat birligi etaloni) etaloni tender savdolari orqali davlat xaridlari elektron tizimiga e'lon berildi. (savdo 20.04.2026y kuni yakunlanadi).
Shuningdek fevral oyida 8,1 mlrd soʻm boʻlgan jami 1 ta (Oʻzgaruvchan tok kuchlanish quvvati birligi etaloni) etalon tender savdolari orqali davlat xaridlari elektron tizimiga e'lon berildi..
Savdo 2026-yil 30-mart kuni yakunlandi va 5 ta taklif kelib tushgan. Tender ishtirokchilarining takliflari koʻrib chiqilmoqda.
Oʻzbekiston Respublikasi Prezidentining PF-25-son Farmoni ijrosini oʻz vaqtida ta'minlash maqsadida 2026 yilda Davlat byudjetidan moliyalashtirishga qolgan 13 ta yuqori aniqlikdagi etalonlar uchun talab etiladigan 130,0 mlrd. soʻm mablagʻni ajratilishida Iqtisodiyot va moliya vazirligiga Agentlikning 2026-yil 24- fevraldagi 01-17-820-sonli murojaat yuborilgan.
