Yangi Zelandiyaning Oritain kompaniyasi bilan uchrashuv bo‘lib o‘tdi
2025-10-24 12:45:00 / Yangiliklar
Jahon bozorlarida raqobat keskinlashib borayotgan bir sharoitda eksportni oshirish uchun yangi bozorlarga kirib borish va an’anaviy bozorlarda o‘z o‘rnini mustahkamlash, xalqaro standartlarni joriy etish orqali mahsulot sifatini yaxshilash, narxni raqobatbardosh qilish, marketing strategiyalarini takomillashtirish va yangi texnologiyalarni joriy etish, nufuzli brend kompaniyalar bilan ishlash masalalariga urg‘u berildi.
Oritain kompaniyasi turli sohalardagi brendlarga mahsulot va xom ashyoning kelib chiqishi va haqiqiyligini tekshirishda yordam berishi, ilmiy kuzatuvchanlik brendlarga barqaror ishlash uchun ta’minot zanjiri sifatida xizmat qilishi qayd etildi.
Shuningdek uchrashuvda respublika to‘qimachilik sanoatining jadal rivojlanishini ta’minlash, yuqori sifatli va raqobatbardosh tayyor mahsulotlar ishlab chiqarishni kengaytirishda standartlarning o‘rni, to‘qimachilik mahsulotlarining sinovlari bo‘yicha laboratoriyalarning xalqaro standartlar va talablar bilan uyg‘unlashtirish, sifat menejmenti zamonaviy tizimlarini joriy etish masalalariga e’tibor qaratildi.
Uchrashuv yakunlari bo‘yicha tomonlar Agentlik va Oritain kompaniyasi o‘rtasida hamkorlikni yanada kengaytirish, muhokama qilingan loyiha va tashabbuslarni amalga oshirishni uchun barcha sa’y-harakatni ishga solishga tayyor ekanliklarini bildirdi.