Vazirlar Mahkamasi huzuridagi O'zbekiston texnik jihatdan tartibga solish agentligi

Agentlik rahbari tomonidan paxta dalasidan keltirilgan paxtani korxonaga kirish nuqtasidan tayyor mahsulot chiqarish nuqtasigacha bo‘lgan barcha jarayonlar ko‘zdan kechirildi. Xususan, korxonaga kirish punktida paxta xom ashyosini tortish, laboratoriya tahlillari uchun namunalar olish, tahlillarni o‘tkazish, paxta xom ashyosiga dastlabki ishlovlar berish, chigitdan tozalash, markirovkalash va tayyor toy paxta mahsulotini ishlab chiqarishgacha bo‘lgan jarayonlar o‘rganildi.

Shu bilan birga, korxona mutaxassislarining bilim va malakasini hamda mahsulot sifatini oshirish, sohaga raqamlashtirish jarayonlarini joriy qilish va ishlab chiqarishdagi sohaga oid muammolar keng muhokama qilindi.

Mas’ullar tomonidan ushbu yo‘nalishda faoliyat yuritib keluvchi korxonalarning bugungi kundagi holati, yuzaga kelayotgan tizimli muammolariga alohida to‘xtalib o‘tildi. Mazkur yo‘nalishda amalga oshirilishi rejalashtirilayotgan chora-tadbirlar xususida fikr almashilib, kelgusidagi vazifalar belgilab olindi.