Oliy Majlis Qonunchilik palatasining deputatlari Piskentdagi sinov laboratoriyasi faoliyati bilan tanishdi
2025-05-28 18:00:00 / Yangiliklar
Jarayonda qonunchilik faollariga markaz tasarrufidagi "Elektromagnit moslashuvchanlik va konditsionerlarni energiya samaradorligini baholash laboratoriyasi" faoliyati yuzasidan ma’lumotlar berildi. Mazkur laboratoriyada maishiy texnika va asbob-uskunalarning xalqaro standartlarga muvofiqligini aniqlash, elektromagnit moslashuvchanlik darajasini baholash, shuningdek, energiya sarfi samaradorligini sinovdan o‘tkazish kabi jarayonlar amalga oshiriladi.
Deputatlar tomonidan laboratoriyaning texnik jihozlanishi, mavjud uskunalar imkoniyatlari, milliy mahsulotlarni sertifikatlashdagi ahamiyati hamda energiya samaradorligini oshirish borasidagi faoliyati muhokama qilindi. Shuningdek, sifat nazorati tizimida ochiqlik va shaffoflikni ta'minlash, hamda qonunchilikni yanada takomillashtirish bo‘yicha tegishli takliflar ilgari surildi.