Yana bir hamkorlik memorandumi imzolandi
2025-05-14 14:45:00 / Yangiliklar
Muloqotda tashkilotlar o‘rtasidagi hamkorlik masalalari, xususan, iqtidorli bitiruvchilarni ish bilan ta’minlash, ularning amaliyotini Agentlik tizim tashkilotlarining ilmiy laboratoriyalarida o‘tkazish, malakaviy bitiruv ishlari va magistrlik dissertatsiyalari mavzularini bugungi kunning dolzarb masalalaridan kelib chiqqan holda hamkorlikda tuzish, dual ta’limni tashkil etish yuzasidan fikr almashildi.
Uchrashuvning asosiy masalalaridan biri O‘zbekiston standartlar instituti huzuridagi huzuridagi STQ-33-“Tabobat texnikasi (anjomlari) sanoati” Texnik qo‘mitasi faoliyatini yanada takomillashtirish to‘g‘risida bo‘ldi. Mazkur masala yuzasidan mas’ullar tomonidan amaliy takliflar berilib, muammolarning yechimiga qaratilgan asosiy vazifalar belgilab olindi.
Tadbirda farmatsevtika sanoati tarmog‘idagi tadbirkorlar ham ishtirok etib, ushbu yo‘nalishda qilinishi kerak bo‘lgan keng ko‘lamli takliflar bildirildi.
Bundan tashqari, xalqaro standartlarini davlat tiliga tarjima qilish masalasiga ham alohida e’tibor qaratildi.
Uchrashuv so‘nggida O‘zbekiston texnik jihatdan tartibga solish agentligi va Toshkent Farmatsevtika instituti o‘rtasida hamkorlik Memorandumi imzolandi.