Sanoatda innovatsion metrologik ta’minot istiqbollari va uning dolzarb ilmiy-amaliy muammolari
2025-04-07 13:40:00 / Yangiliklar
Islom Karimov nomidagi Toshkent davlat texnika universitetida “Metrologiya, texnik jihatdan tartibga solish, standartlashtirish va sertifikatlashtirish” kafedrasi tashabbusi bilan “Sanoatda innovatsion metrologik ta’minot istiqbollari va uning dolzarb ilmiy-amaliy muammolari” mavzusida III xalqaro anjuman bo‘lib o‘tmoqda.
Mazkur anjumanda Texnik jihatdan tartibga solish agentligi direktori Akmal Jumanazarov ham so‘zga chiqib, texnik jihatdan tartibga solish sohasida amalga oshirilayotgan ishlar, rivojlanish bosqichlari hamda universitet bilan yaqin hamkorlik to‘g‘risida to‘xtaldi.
Shuningdek mazkur anjuman Metrologiya, texnik jihatdan tartibga solish, standartlashtirish va sertifikatlashtirish ilmi va ta’limi fidoyisi, texnika fanlari doktori, professor marhum Patxulla Ismatullayev xotirasiga bag‘ishlandi.
So‘zga chiqqanlar vatanparvar olim Patxulla Raxmatovich xotirasini yod etib, mamlakatimiz oliy ta’limi va uning negizida ilmiy-tadqiqot ishlarini tashkil qilish va rivojlantirishga qo‘shgan hissasini hamda mehnat qilgan jabhalarini fahr bilan gapirdilar.