Vazirlar Mahkamasi huzuridagi O'zbekiston texnik jihatdan tartibga solish agentligi

Ma’lumot uchun: Ma’lumot uchun: GEOSTM- Halqaro standartlashtirish tashkiloti (ISO), Xalqaro Elektrotexnika Komissiyasi (IEC), Qonunchilik metrologiyasi xalqaro tashkiloti (OIML) a’zosi.

So‘nggi yillarda O‘zbekiston va Gruziya o‘rtasida o‘zaro ishonch va hurmat tamoyillariga asoslangan do‘stona munosabatlar barcha sohalarda izchil rivojlanib, iqtisodiyotning turli sohalarida hamkorlik sezilarli darajada faollashgani, o‘zaro savdo hajmi ortib, qo‘shma loyihalar amalga oshirilayotganligi e’tirof etildi.
Toshkent shahrida 5 mart kuni O‘zbekiston va Gruziya o‘rtasida iqtisodiy hamkorlik bo‘yicha Hukumatlararo komissiyaning o‘ninchi yig‘ilishi doirasida O‘zbekiston-Gruziya o‘rtasidagi Erkin savdo kelishuvi imkoniyatlarini to‘liq ishga solib, yaqin yillarda savdo hajmini 1 mlrd dollarga yetkazish bo‘yicha berilgan topshiriqlarga alohida e’tibor qaratildi.
O‘zbekiston va Gruziya Xukumatlari o‘rtasida imzolangan texnik jihatdan tartibga solish, standartlashtirish, metrologiya va muvofiqlikni baholash sohasida hamkorlik to‘g‘risida Bitimni amalga oshirish orqali  savdodagi texnik to‘siqlarni bartaraf etish, milliy standartlarni halqaro standartlar bilan uyg‘unlashtirish, Global sifat infratuzilmasi indeksi (GQII), xalqaro hamkorlik, ISOlutions, markirovka CЕ, texnik qo‘mitalar va quyi texnik qo‘mitalar faoliyatini takomillashtirish, standartlashtirish va muvofiqlikni baholash sohasida kadrlarni qayta tayyorlash va ularning malakasini oshirish masalalari muhokama qilindi.
O‘zbekistonning JSTga a’zo bo‘lish jarayonida milliy qonunchilikni JST bitim, qoida va me’yorlariga muvofiqlashtirish, mutaxassislarning institutsional salohiyatini mustahkamlash, ularning savdodagi texnik to‘siqlar sohasidagi bilim va ko‘nikmalarini oshirishga kelishib olindi.
GACning muvofiqlikni baholash organlarining muvofiqligini tasdiqlash, muvofiqlikni baholash ishlarining natijalariga ishonchni ta’minlash va savdodagi texnik to‘siqlarni bartaraf etish uchun shart-sharoitlarni yaratishga qaratilgan faoliyati  bilan tanishildi.

Ma’lumot uchun: GAC Xalqaro laboratoriyalarni akkreditatsiya qilish hamkorligi (ILAC) va Xalqaro akkreditatsiya forumi (IAF) a’zosi.  

Xalqaro standartlarga muvofiq sinov va kalibrlash laboratoriyalari, tibbiy laboratoriyalar, mahsulotlar va xizmatlarni sertifikatlashtirish organlari, xodimlarni sertifikatlashtirish organlari, inspeksiya organlari, malakani tekshirish provayderlari, menejment tizimlarini sertifikatlashtirish organlarini akkreditatsiya qilish, validatsiya va verifikatsiya ishlarini amalga oshirish yuzasidan fikr almashildi.
O‘zbekiston va Gruziya Akkreditatsiya idoralari o‘rtasida hamkorlik dasturi imzolandi.
Uchrashuv yakunlari bo‘yicha Gruziya Iqtisodiyot va izchil taraqqiyot vazirligi, Gruziya Standartlar va metrologiya milliy agentligi (GEOSTM), Gruziya Akrreditatsiya markazi Akkreditatsiya xizmati idorasi (GAC) bilan sohaga oid barcha yo‘nalishlarida keng ko‘lamli hamkorlikni rivojlantirishga kelishib olindi.