O‘zbekiston–Germaniya: Muvofiqlikni baholash sohasida hamkorlik masalalari muhokama qilindi
2026-05-21 11:00:00 / Yangiliklar
🔵 “O‘zbekistonda Germaniya iqtisodiyoti kunlari” biznes-forumi doirasida O‘zbekiston Texnik jihatdan tartibga solish agentligi mas’ullari hamda Germaniyaning Control Union Germany GmbH kompaniyasi ijrochi direktori Mathew Leeves boshchiligidagi delegatsiya bilan uchrashuv bo‘lib o‘tdi.
🔴 Uchrashuv davomida muvofiqlikni baholash, xalqaro sertifikatlashtirish tizimlarini joriy etish, mahsulotlarni xalqaro bozorlarga chiqarishda qo‘llaniladigan standartlar va sifat infratuzilmasini rivojlantirish masalalari muhokama qilindi.
🟡 Ma’lumot uchun, Control Union Germany GmbH Germaniya hududida faoliyat yurituvchi xalqaro mustaqil sinov, inspeksiya va sertifikatlashtirish kompaniyasi bo‘lib, Niderlandiyaning dunyoga mashhur Control Union xalqaro guruhi tarkibiga kiradi.
Muloqot chog‘ida GOTS (Global Organic Textile Standard), GRS (Global Recycled Standard), OCS (Organic Content Standard), Global GAP, Organic NOP, Sedex SMETA auditlari, BCI va RCS standartlari, shuningdek CE markirovkasi hamda mahsulotlarning EN, ISO, ASME, ASTM va IEC kabi xalqaro va Yevropa talablariga muvofiqligini baholash masalalari yuzasidan fikr almashildi.
Shu bilan birga, sifat menejmenti tizimlarini sertifikatlashtirish, malakali kadrlar tayyorlash, Agentlik tizimidagi mavjud sinov laboratoriyalaridan hamkorlik asosida foydalanish hamda texnik kompetensiyalarni oshirish istiqbollari muhokama qilindi.
🟢 Uchrashuvda Control Union Germany GmbH kompaniyasi O‘zbekistonda muvofiqlikni baholash jarayonlarida faol ishtirok etishga tayyor ekanligini bildirdi.
🔴 Tadbir yakunida tomonlar ko‘p qirrali va o‘zaro manfaatli hamkorlikni yanada faollashtirish, xalqaro standartlar asosida hamkorlik loyihalarini amalga oshirish bo‘yicha kelishuvga erishdilar.