Yengil sanoat sohasi ishlab chiqaruvchilari va tadbirkorlari ishtirokida ochiq muloqot tashkil etildi
2026-05-02 10:00:00 / Yangiliklar
✅ O‘zbekiston texnik jihatdan tartibga solish agentligi tashabbusi bilan tadbirkorlarni qo‘llab-quvvatlashga qaratilgan yangi klub tashkil etildi. Mazkur klub doirasida yengil sanoat sohasida faoliyat yuritayotgan ishlab chiqaruvchilar va tadbirkorlar bilan navbatdagi uchrashuv o‘tkazildi.
📊 Ma’lumotlarga ko‘ra:
2025–2026-yillarda 3,6 mlrd dollarlik to‘qimachilik mahsulotlari eksport qilingan
Shundan 1,42 mlrd dollari tayyor kiyim-kechak mahsulotlari hissasiga to‘g‘ri keladi
AQSh va Yevropa davlatlariga eksport hajmi 90,2 mln dollarni tashkil etgan
2026-yil 1-may holatiga ko‘ra eksport 27,6 mln dollarga yetgan (o‘sish — 163%)
🌍 Eksport geografiyasi:
Germaniya, Polsha, Italiya, Litva va AQSh davlatlari yetakchilik qilmoqda. Hududlar kesimida esa Namangan, Toshkent viloyati, Samarqand va Buxoro viloyatlari faolligi bilan ajralib turibdi.
📌 Xalqaro standartlar:
225 ta korxonada 283 ta xalqaro sertifikat joriy etilgan
2026-yil 1-avgustga qadar bu ko‘rsatkichni 300 ta korxonaga yetkazish rejalashtirilgan
32 ta korxonada WRAP sertifikatini joriy etish ishlari olib borilmoqda
Qo‘llab-quvvatlash choralari:
Xorijda 8 ta savdo uyi va shourum tashkil etildi
20 ta yangi korxona eksport faoliyatini boshladi
Xalqaro tashkilotlar bilan hamkorlik kuchaytirilib, o‘quv seminarlar tashkil etildi
💬 Tadbirkorlarni qo‘llab-quvvatlash klubi:
Mazkur klub tadbirkorlar bilan tizimli muloqotni yo‘lga qo‘yish, mavjud muammolarni aniqlash va ularni bartaraf etish, shuningdek, korxonalarning eksport salohiyatini oshirishga xizmat qiladi. Klub uchrashuvlari muntazam ravishda tashkil etiladi.