Jahon banki ekspertlari bilan uchrashuv: hamkorlik va transformatsion islohotlar muhokama qilindi
2026-04-22 12:00:00 / Yangiliklar
Jahon banki ekspertlari bilan bo‘lib o‘tgan uchrashuvda so‘nggi yillarda texnik jihatdan tartibga solish, standartlashtirish, muvofiqlikni baholash, akkreditatsiya hamda metrologiya sohalarida amalga oshirilayotgan transformatsion jarayonlar, istiqboldagi rejalar va ushbu yo‘nalishlarda xalqaro tashkilotlar bilan hamkorlik masalalariga alohida e’tibor qaratildi.
“Institutsional salohiyatni oshirish” loyihasi doirasida Buyuk Britaniyalik xalqaro ekspert Glenn John Bosmans jalb etilganligi mamnuniyat bilan qayd etildi.
Shuningdek, milliy qonunchilikni Jahon savdo tashkiloti (JST) bitimlari, qoidalari va me’yorlariga muvofiqlashtirish bo‘yicha amalga oshirilayotgan ishlar, xalqaro ekspertlarni jalb etish hamda ularning texnik jihatdan tartibga solish sohasidagi sifatni oshirishdagi o‘rni muhokama qilindi.
Jahon banki ekspertlari o‘z navbatida O‘zbekistonda so‘nggi yillarda texnik jihatdan tartibga solish sohasida olib borilayotgan transformatsion jarayonlarni yuqori baholadilar.
Tomonlar agentlik xodimlarining xorijiy mamlakatlarda stajirovkalarini tashkil etish, bozor nazorati va mahsulot xavfsizligi yo‘nalishida xalqaro ekspertlarni konsultant sifatida jalb qilish hamda axborot texnologiyalari sohasidagi imkoniyatlarni kengaytirish masalalariga alohida urg‘u berishdi.
Uchrashuv yakunida Jahon banki vakillari Agentlik bilan ko‘p qirrali hamkorlikni yanada rivojlantirishga tayyor ekanliklarini bildirdilar.