Muvofiqlikni baholash organlari va sinov laboratoriyalari bilan seminar o'tkazildi
2026-04-15 10:00:00 / Yangiliklar
✅O'zbekiston texnik jihatdan tartibga solish agentligi va Texnik jihatdan tartibga solish agentligining Nazorat inspeksiyasi hamkorligida navbatdagi seminar tashkil etildi.
📝 Seminarda tadbirkorlik subyektlari vakillariga “Texnik jihatdan tartibga solish toʻgʻrisida” va “Standartlashtirish toʻgʻrisida” gi qonunlarning mazmun-mohiyati Agentlik rahbari o'rinbosari T. Mashanpin, inspeksiya boshligi o'rinbosari S.Niyozov boshchiligida keng tushuntirildi.
📰 Shuningdek, Oʻzbekiston Respublikasi Vazirlar Mahkamasining 2025-yil 26-dekabrdagi 831-sonli "Mahsulotlarning muvofiqlik toʻgʻrisidagi deklaratsiyasini hisobga olish boʻyicha davlat xizmatini koʻrsatishning maʼmuriy reglamentini tasdiqlash haqida"gi va Oʻzbekiston Respublikasi Vazirlar Mahkamasining 2024-yil 14-avgustdagi 502-son "Mahsulotlarni davlat roʻyxatidan oʻtkazish va muvofiqlikni baholash tartiblariga oid nizomlarni tasdiqlash toʻgʻrisida"gi qarorlar yuzasidan batafsil maʼlumotlar berildi.
🔴Mazkur qonun normalarining mazmun-mohiyatini keng jamoatchilik hamda tadbirkorlik subyektlari o‘rtasida targ‘ib qilish, ularning huquqiy ongi va mas’uliyatini oshirishga qaratilgan tushuntirish ishlari tizimli ravishda amalga oshiriladi.
📰 Tadbir davomida ishtirokchilarning savollariga mutaxassislar tomonidan atroflicha javoblar berildi.